Yaman paylaşıram şəkillərimi
Hamının döşünə taxmağa çatar.
Uzun əyyamlardan, günlərdən sonra--
Yada salmaq üçün baxmağa çatar.

***

Demirəm kim isə ağlayacaqdır,
Naləsi ürəyi dağlayacaqdır.
Bir nəsnə vardır ki, bilirəm bunu,
Məni gələcəyə bağlayacaqdır.

***

Bu şəkil- mətbuat, bu şəkil dildir,
Bu şəklin adı da, özü tək güldür.
Bu şəkil çəkilib baba yurdumda,
Deyəsən, keçən il, ya da ki bildir.

***

Bu şəkil-tapıntı,bu bu da - haraydır,

Bu şəkil türk yurdu- Bağçasaraydır...

Bu şəkil türklərin- daş abidəsi,

Bax bu, Koroğludur,bu da Gəraydır.

***

Mən dərsdən,məktəbdən yazmışam az-çox,,
Xoşuma gəlmədi,pozmuşam az-çox...

Məktəb axtarmışam,sanballı məktəb,

Mənim bundan başqa, bir təmənnam yox.

***


Vallah,and içirəm,yerə,göyə mən,

"Təhsil!", "Yaxşı təhsil!"- deyə-deyə mən.

Mənim çobanım da, alimim də var,

Səcdə etməmişəm xana, bəyə mən.


***

Yaxşı tanıyıram Zərdabini mən,

Səid Ünsizadə!..O şəxsə əhsən!

Yaddan çıxmadın sən, İsmayıl Mirzə,

Tərcüman olmaqda mahirsən, təksən.

***

Demirəm dünyanı dolaşmışam mən,

Ancaq nələrəsə yol açmışam mən.

Düşmənə turşudub,sir-sifətimi,

Yaxşı insanlara qol açmışam mən.

***

Hər işim şəkildir, əqlimin şəkli,

Təbiətin şəkli, iqlimin şəkli.

Mənim yazdıqlarım,söylədiklərim,

Bir dərdin yüz şəkli, bəzən - min şəkli.

***

Bəlkə şəklim yoxdur güldüyüm zaman,
Şəkildə görünür ancaq bircə an.
Bu dünya lağlağı dünyası deyil,
Ey şəkil çəkdirən, abırlı dayan.

***

Uca görünməkçün boylanmadım mən,
Soyadım özümün, adım da kı - MƏN..
Tarixdə qalacaq bir sübut kimi
Təmkinli,vüqarlı adımdakı- MƏN.

***

Dünya işləindən xəbərdaram mən,

Yazıram,pozuram,demək, varam mən.

Mənə yaxşılığı dəyən kimsəni,

Nə qədər varamsa,unutmaram mən.




Təbriz.22.09.2017.