Sapa düyün düşüb,eşə bilmirəm,

Şirin xəyallara düşə bilmirəm...

Gedirəm yolumu öz sürətimlə,

Bu - çöldür,dərədir,meşə...bilmirəm.

***

İlləri sayanda gülərdim bir vaxt,

Qocalıq gəlirmiş çox səsssiz,bivaxt.

Bəxtə inanmırdım heç zaman,heç vaxt,

Var imiş yaxşı bəxt, həm də yaman bəxt.

***

Dünyaya gələndə mən də ağladım,

Neçə gün gözümə yaylıq bağladım.

Böyüdüm,böyüdüm,..bilmədim niyə,

Ağır günlərimi sona saxladım.

***

Qayğısız günlərim,illərim getdi,

Şirin nəğmə deyən dillərim getdi.

(Hər sözü söyləmək,demək çətindir,

Nə qədər çiçəyim,güllərim getdi).

***

Mən hələ dünyaya borcluyam,aman,

Kiminsə yanında suçluyam,aman...

Oğul tək,qardaş tək işlərim çoxdur,

Bunlara güc çatmır,yorğunam yaman.

***

İndi atılan daş geri qayıdır,

Ahım gözüm görən göyü dağıdır.

Dünya -bu dünyadır-hamımız-qonaq,

Burada hər tərəf cənnət bağıdır.

***

Ehey!... Qınamasın məni nadanlar,

(Adı nadandırsa,nadan nə anlar?)

Sizinlə ünsiyyət necə də xoşdur,

Adamlar,adamlar,yaxşı adamlar...



Nazim Nəsrəddinov.

12.09.2019.