Azərbaycan Səhiyyə Nazirliyi 2012/2013-cü tədris ili üçün rezidenturaya qəbul olanlara müraciət edib. Nazirlikdən şənbə günü verilən məlumata görə, rezidenturaya qəbul olmuş şəxslər tələb olunan sənədləri sentyabrın 17-dən 21-dək SN-ə təqdim etməklə qeydiyyatdan keçməlidirlər.
Bunun üçün rezidenturaya qəbul olmuş şəxsin iş nömrəsi, şəxsiyyət vəsiqəsi və onun surəti, ali tibb təhsili haqqında sənəd (diplom) və onun surəti tələb olunur. Rezidenturaya qəbul olmuş şəxslərin göstərilən müddətdə qeydiyyatdan keçməməsi onların yerləşdirildiyi ixtisas üzrə təhsil almaqdan imtina etməsi kimi qiymətləndiriləcək.
Qeyd edək ki, bu il rezidentura səviyyəsi üzrə ayrılmış 514 plan yerinə 492 nəfər qəbul olunub.