İranın Rəzəvi Xorasan əyalətinin Məşhəd şəhərində daha 1 həkim koronavirusdan ölüb.



Bu barədə, Məşhəd Tibb Universitetinin ictimaiyyətlə əlaqələr şöbəsinin işçi qrupunun rəhbəri Həmidrza Rəhimi mayın 22-də məlumat yayıb.



Yayılan məlumata əsasən, “Covid-19” infeksiyasına yoluxmuş xəstələri müalicə edərkən özü də xəstəliyə yoluxan və son günlər həkimlərin nəzarətində saxlanılan həkim-mütəxəssis Həmid Əqili, bu gün sübh saatlarında Məşhədin “Vəliyyi-əsr” xəstəxanasının reanimasiya şöbəsində keçinib.



Həmid Əqilinin koronavirusa konkret necə və nə vaxt yoluxması barədə hər hansı bir məlumat yayılmayıb.



Bildirilir ki, bundan əvvəl Məşhəddə koronavirusa yoluxan xəstələrə yardım edən daha 2 həkim, Həsən Ərbab və Seyid Murtuza Vicdan da “Covid-19” infeksiyasına tutularaq həyatlarını itiribləer.



Qeyd edək ki, İran Səhiyyə Nazirliyinin sözçüsü Kiyanuş Cahanpur mayın 22-də mediaya açıqlamasında ölkədə bu günə qədər koronavirusdan ölənlərin sayının 7300 nəfərə, yoluxanların sayının isə 131652 nəfərə çatdığını iddia edib.