Bu barədə, Mazandaran əyalətinin valisi Əhməd Hüseyn Zadəgan mediaya açıqlamasında məlumat yayıb.


O deyib ki, əksər şəhərləri fövqəladə hal vəziyyətində olan Mazandaran əyaləti, ölkənin bu baxımdan qırmızı vəziyyətdə olan 10 əyalətindən biridir: “azırda Mazandaranın 13 şəhəri, o cümlədən də Sari, Behşəhr və Amol şəhərləri koronavirusun geniş yayılması baxımından qırmızı vəziyyətdədir. Elə buna görə də, əhaliyə tövsiyə edirik ki, gigiyena qaydalarına riayət etsinlər.


Mazandaranda Koronavirusla Mübarizə Qərargahının qərarına əsasən, bu gündən başlayaraq 10 günə kimi Sari şəhərinin bazarı və mağazalar, eləcə də bir sıra digər ictimai məkanlar bağlı olacaq” -deyə, Mazandaran valisi Əhməd Hüseyn Zadəgan əlavə edib.


Həmçinin Mazandaran Tibb Univesitetinin rektoru Seyid Abbas Musəvi jurnalistlərə açıqlamasında əyalətdə koronavirusla bağlı son vəziyyətdən danışıb.


Rektor deyib ki, Mazəndaranda son 24 saat ərzində virus daşıyıcısı olmaqda şübhəli bilinən daha 332 nəfər əyalətin müxtəlif xəstəxanalarfına yerləşdirilib: “Həmin müddət ərzində 300 nəfər də xəstəxanalardan evə buraxılıb və həmin şəxslər öz müalicəsini evdə davam etdirəcəklər.


Hazırda isə, Mazandaran əyalətinin müxtəlif şəhərlərində “Covid-19” infeksiyasına yoluxan 1541 nəfər xəstəxanalarda müalicə alırlar. Təəssüflər olsun ki, Babol xəstəxanalarında koronavirusa yoluxmaqda şübhəli bilinərək müalicə alanlar arasında 18 uşaq da var” -deyə, Mazandaran Tibb Univesitetinin rektoru Seyid Abbas Musəvi bəyan edib.