Bu barədə avqustun 12-də məlumat yayan Şiraz Tibb Universiteti rektorunun müavini Əli Əkbəri bildirib ki, pandemiya yoluxucu xəstəliyinin ölkədə yayılmağa başladığı son 6 ay ərzində Fars əyalətində 37 319 nəfər koronavirusa yoluxub: “Hazırda virus daşıyıcısı olmaqda şübhəli bilinən 963 nəfər Fars əyalətinin müxtəlif xəstəxanalarında müalicəsini davam etdirir və təəssüflər olsun ki, onlardan 106 nəfərinin vəziyyəti ağırdır.


Fars əyalətində həmçinin bu günə qədər virusa yoluxanlardan 34 202 nəfəri tam sağalaraq xəstəxanalardan evə buraxılıb.


Bir daha bildiririk ki, “Covid-19” infeksiyasının yayılmasının qarşısını almaq üçün insanlar gigiyena qaydalarına riayət etməli, maska taxmalı, başqalarından məsafə saxlamalı, ictimai məkanlardan uzaq gəzməli və imkan daxilində küçə və bazarda gəzməkdən imtina etməlidir” –deyə, Şiraz Tibb Universiteti rektorunun müavini Əli Əkbəri bəyan edib.