Bu barədə avqustun 26-da məlumat yayan Əlbürz Tibb Universitetinin rektoru Məhəmməd Fəthi deyib ki, ötən bir gün ərzində “Covid-19” infeksiyasına yoluxmuş daha 60 nəfər xəstəxanalara yerləşdirilib: “Ölkədə koronavirus yayılmağa başladığı gündən indiyədək Əlbürz əyalətində bu xəstəliyə yoluxma səbəbilə ümumilikdə 14 977 nəfər xəstəxanalara yerləşdirilib. Hazırda isə əyalətin müxtəlif xəstəxanalarında pandemiya xəstəliyinə yoluxan 418 nəfər müalicəsini davam etdirir.


Həmçinin dünəndən bu günə qədər 52 nəfər isə xəstəlikdən tam sağalaraq evə buraxılıb və bununla da indiyədək evə buraxılanların sayı 13 627 nəfərə yüksəlib. Təəssüflər olsun ki, son 24 saat ərzində virusa yoluxmuş daha 7 nəfərin öldüyü qeydə alınıb və bununla da Əlbürz əyalətində bu günə qədər koronavirusdan vəfat edənlərin sayı 914 nəfərə çatıb” –deyə, Əlbürz Tibb Universitetinin rektoru Məhəmməd Fəthi bəyan edib.