Bir neçə gün bundan əvvəl Sakit okeanda, Filippin yaxınlığında əmələ gələn “Çansu” tufanı çox güclənib və Yaponiyanın cənubunda yerləşən Okinava adalarına yaxınlaşır.

Bu barədə sentyabrın 9-da Yaponiya Meteorologiya Agentliyi məlumat yayıb.

Tropik qasırğaya “dağıdıcı” statusu verilib. Hazırda onun mərkəzində küləyin sürəti saniyədə 15 metrə, şiddətli əsdikdə isə 20 metrə çatır. Proqnozlara əsasən, tufanın sentyabrın 12-də və ya 13-də Sakişima adalarına çatacağı gözlənilir.

Bununla əlaqədar meteoroloqlar sahil ərazilərində güclü küləyin, leysan yağışların və hündür dalğaların əmələ gələcəyi barədə xəbərdarlıq ediblər.